بە فڕۆكەی بێفڕۆكەوان هێرش کرایە سەر بنکەیەکی هاوپەیمانان لە عێراق

هاوپەیمانی نێودەوڵەتی ڕایگەیاند، هاوپەیمانی نێودەوڵەتی ڕایگەیاند، بەرەبەیانى ئەمرۆ بە فڕۆكەی بێفڕۆكەوان  بنکەی عەین ئەسەد لە پارێزگای ئەنبار کراوەتە ئامانج، ئاماژەى بەوەشکردوە کە سیستەمی بەرگری ئاسمانی بنکەکەیان هێرشەکەی پوچەڵکردوەتەوە و فرۆکەکە خراوەتە خوارەوە.
لەبەیاننامەکەدا ئەوەش هاتووە کە هێرشەکە هیچ زیانیکی نەبووە و سەرجەم کارمەندانی بنکەکە سەلامەتن و لێکۆڵینەوەش لە ڕووداوەکە بەردەوامە.

بنکەی ئاسمانیی عەین ئەسەد دەکەوێتە رۆژئاوای شاری رومادی سەنتەری پارێزگای ئەنبار لەرۆژئاوای عێراق و یەکێکە لەو بنکانەی کە دەیان سەربازی سوپای هاوپەیمانانی تیایدا جێگیرکراون و ئەمە چەندەمین جارە هێرش دەکرێتە سەر بنکەکە و بە ئامانج دەگیرێت.