خەباتی هاوپەیمانی سەربەخۆییخوازان، ئاسۆی ڕزگارییە.

لەگەڵ گەشە و پێگەییشتنی هزری کۆمەڵگای کوردی و ئاستی وشیاریی نەتەوەیی و تێکنۆلۆژی و مۆدێرنیتە و تەنانەت پۆست مۆدێرنیتەش، هاوکات خواستی نەتەوەیی کۆمەڵگای کوردستان هۆکاری گۆڕانکاری هزری و لۆژیکی و بیر کردنەوەی تاکی کوردییە و لە هەمان کاتیش دا کورد بە مۆراڵی سەروشتی خۆی کە پێم وایە زێدە ڕەوی نییە بڵێم کورد و سروشت تەواو کەری یەکن بۆ ژینگەیەکی چەلەنگ و سەرکەش لە جیهانی بێدادگەری و چەوسانەوە کە بە درێژایی مێژوو هێچ هێزو و پیلان و کوشتارێک نەیتوانیوە کورد بە چۆک دابێنێ سەرەڕای هەموو ناکۆکی و ناتەباییەکی ناو ماڵی کورد بەڵام دەبینین کە کورد ئێستاش هەر نەتەوەیەکی سەرزیندوو و سەربەرزترە لە قەندیل و چیاسەرکەشەکانی کوردستانی داگیرکراو بە بەرزی ئاسمان …

دروست بوونی قەیران یان ڕەنگە جوانترە بڵێم چێ کردنی قەیران لە شوناسی نەتەوەیی و هەموو ئەو تەنگژە و ئاڵۆزیانە لەمەر ناسنامەی نەتەوەیی لە سیستممی کۆلۆنیالیزمی نوێ و تەنانەت پۆست کۆلۆنالیزمی جیهانی کە کوردستانی بە کردەوە کردە دیلی ئەو تەوقەی لە ڕێگای داگیرکەرانی کوردستان وەک وڵاتێکی کۆلۆنی و لە لایەکی تریش ڕیبازی کلاسیکی پێشنەگانی خەبات لە رابردوودا هۆکاری سەرەکی ئەو سەرلێ شێواویە و دروست بوونی قەیرانی شوناسی نەتەوەیی و دوو دڵی لەمەر ڕاستییەکان و ڕەوتی خەباتی و شێوازەکانی و داواکاری کۆمەڵگای کوردی وەک نەتەوەیەکی داگیر کراو و قەیراناوی لە ڕابردوودا وای کردبوو کە کورد خۆی نەناسێ وەک نەتەوەیەک و بە چەواشەکاری مێژوو و پیلانی داگیرکەرانی کوردستان گشت رەهەندی ئەو ناسنامەیە تاپۆی خۆیان بکەن لەو جوغرافیا جەعلیەی پێ دەگوترێ ئێران.

بە تێپەر بوونی زەمەن و خوێندنەوەی مێژوو و بەهەند وەرگرتنی ئەزموونەکانی وردە وردە چینی هەژار و مام ناوەندی کۆمەڵگابە خەسارناسی ڕەوتی خەباتی ڕابردوو لە لایەک و لە لایەکی تریش بە تێگەییشتنی لە ژینگەی سیاسی و داهاتوو و چارەنووسی نەتەوەکەی لە گۆڕەپانەکەدا ڕێبەری جوڵانەوەی سەربەخۆییخوازی و شوناس و ناسنامەی نەتەوەیی دەکەن کە لە ئێستا دا ئاڵترناتیڤی هەر چەمک و ڕیبازێکی کلاسیکی خەباتە کە بە ڕواڵەت ناتوانێ چیتر لە کوردستان ئابدەیت و بە ڕۆژ ببێتەوە بە جۆرێ کە پێشتر ئاماژەم پێ کرد بۆتە بەشێک لەو قەیرانەو هاوکات بۆش بوون لە پێشکەوتن و هاوتەریب نەبوون لە گەڵ خواستی کۆمەڵگا و داهاتووی ژینگەی سیاسی کوردستان کە زیاتر خوازیارانە یان ناخوازیارانە خزمەت بە نەیاران و یەکپارچەیی جوغرافیای وەهمی و دەستە مۆی بیری پان ئێرانیزمەکان و بە هێز کردنی ئەو قەیرانە لە کوردستان دەکات بە بێ ئەوەی هێچ دەستکەوتێکی سیاسی و مەعنەوی بۆ نەتەوەی کورد دەستەبەر کردبێت.

هەر بۆیە دەبین بە مەبەستی خزمەت و ڕزگاری یەکجاری نەتەوەی کورد ڕەوتی سەربەخۆییخوازیی کە هەلقۆلاوی دەروونی تاک بە تاکی کۆمەڵگای کوردستانە بە تێپەر کردنی قۆناغی ڕێبەری بزاڤەکان لە لایەن ئاغا و شێخ و مامۆستایانی ئایینی، زانستانە بە پێی تاریف و واتای ڕامیاری بەرەو سەربەخۆیی و رێبەری کۆمەڵگای کوردی هەنگاو دەنێت و بێ گۆمان ئەو قامچییە ئەسپی سەربەخۆیی و بە دەوڵەت بوون بەرەو ئاسۆ تاو دەدات.

هاوپەیمانی سەربەخۆییخوازانی کوردستان لە ئێستادا بۆ داهاتوو ڕیبەری و پێشنگایەتی نەتەوەکەی دەکات لە ڕۆژهەڵاتی کوردستان چون هیچ دەرەتانێک نییە بێجگە لە سەربەخۆیی و دامەزراندنی دەوڵەتی سەربەخۆی کوردی بە پشت بەستن بە ئیرادە و خواستی سیاسی ١٨ ملیۆن کورد کە گەورەترین و بەهێزترین چەکی سەربەخۆییخوازانە لە پێناو ڕزگاری و ڕاودونانی داگیرکەرانی کوردستان لە خاکی پیرۆزی کوردستان بە یەکریزی و کۆدەنگی سیاسی و پرۆژە و ستراتژی نەتەویی و دیپلۆماسی کارا و لێزانانە بەرەو ئامانجە بەرزەکانی هەنگاو دەنێت و کوردیزم بە کردەوە هەوێنی ئەو خەباتە شێڵگێر و ڕەوایەیە کە تاکی کورد دەگەێنێتە ئامانجی سەرەکی خۆی واتە سەربەخۆیی و دەوڵەت نەتەوەی کوردی.