پەیامی پیرۆزبایی HSK بە بۆنەی بیست و حەوتەمین ساڵیادى دامەزراندنى PKRK

پەیامی پیرۆزبایی HSK بە بۆنەی بیست و حەوتەمین ساڵیادى دامەزراندنى پارتى کرێکاران و ڕەنجدەرانى کوردستان

سکرتێری گشتیی پارتى کرێکاران و رەنجدەرانى کوردستان،كاك باپیر کامەلا

ئەندامانی سەرکردایەتی

هۆگران و لایەنگرانی پارتى کرێکاران و رەنجدەرانى کوردستان

خەڵکی تێکۆشەری کوردستان

بە بۆنەی ٢٧ـە مین ساڵیادی دامەزراندنی پارتى کرێکاران و رەنجدەرانى کوردستان گەرمترین پیرۆزبایی ئێمەتان پێشکەش بێ، هیواخوازین ئەزموونی ٢٧ساڵەی دامەزراندنی پارتەکەتان ببێتە مایەی سەرکەوتن و سەربەرزیی زیاتری کورد و کوردستان و هەوڵ و هەنگاوەکانتان بۆ یەکڕیزیی ناو ماڵی کورد پتەوتر و خێراتر بکەن.

پرش و بڵاویی هێز و لایەنە کوردستانیەکان خزمەت بە پرسی نەتەوەیی گەلی کورد ناکا و تەنیا تەبایی و یەکڕێزی و یەکگرتووییە کە نەتەوە و نیشتمانەکەمان بەرەو پێشکەوتن و ئاوەدانی دەبا و ئازادی و سەربەخۆییمان مسۆگەر دەکا.

قۆناغی هەستیاری ناوچەکە بە گشتی و کوردستان بە تایبەتی وا دەخوازێ کە ئێوەی خۆشەویست بە پێی ئەزموونی سێ دەیە خەبات و تێکۆشانتان ڕۆڵی کاریگەر و ئەرێنی لە پێناو یەکخستن و یەکبوونی ناو ماڵی کورد دا بگێڕن.

هەوڵدان بۆ پێکهێنانی هاوپەیمانییەکی بە هێزی نیشتمانی کە بریتی بێ لە هێز و لایەنە سەربەخۆییخوازەکانی هەر چوار پارچەی کوردستان، ئەرکێکی نەتەوەیی و نیشتمانیی هەر هەموومانە و ئەو هێز و لایەنانەی کە لە خەبات و تێکۆشان دا ئەزموونی دەیان ساڵەیان هەیە، ئەرک و بەرپرسیاریەتیەکەیان لەو پێناوە دا قورستر و زیاترە تاکوو هەوڵ بۆ ئەم یەکڕیزییە بدەن .

پیرۆز بێ یادی ٢٧ ساڵەی دامەزراندنی پارتى کرێکاران و رەنجدەرانى کوردستان

سەرکەوێ خەباتی سەربەخۆییخوازانەی نەتەوەی کورد لە پێناو دامەزراندنی دەوڵەت و حکوومەتی سەربەخۆی کوردستان

هاوپەیمانی سەربەخۆییخوازانی کوردستان

١٢ی ڕێبەندانی ٢٧٢١ی کوردی

١ی فێوریەی ٢٠٢٢ی زایینی